Pire Utu Reti Tika.

Timi Kara.—E kore au e whai korero erangi he whakatika kau taku ki te patai atu ki te mema nana te Pire, nei kia nukuhia te korerotanga tuarua mo nga wiki e rua, notemea he poto rawa te wa i muri iho o te tuhatuhanga o taua Pire, a kahore ano i whai wa nga Maori hei tirohanga i taua Pire. Kahore ano i whakamaoritia, erangi i uru ano nga mea Maori ki roto i taua Pire. E pa ana taua Pire ki etahi wahi nui o nga whenua o nga Maori me nga moni e puta ana ki a ratou. A ki taku whakaaro heoi nei te mea tika me tuku i tetahi wa hei whiriwhiringa ma ratou i nga tikanga o taua Pire.

page 23

Te Hihiropi—E tika ana no nga kupu a te mema na e pa ana tenei Pire ki nga Maori, a i runga i nga Ture o te Whare he mea tika ano kia whakamaoritia hei painga mo nga Maori. Kahore aku hiahia kia mahia taua Pire inaianei, erangi ki taku whakaaro ka ahei ano te korero i tenei po. A ki te hiahia nga mema kia whai wa atu ano hei korerotanga ka whakaae ahau kia nukuhia te korerotanga mo tetahi wa tika (ara) ki te hiahiatia kia peratia.