Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Wenerei, te 4 o Hepetema, 1889. — Pire Whakaputa Moni

Wenerei, te 4 o Hepetema, 1889.
Pire Whakaputa Moni.

Timi Kara.—E hiahia ana ahau ki te whakamahara atu ki te Minita Maori kei te rereke nga utu e utua ana ki nga Ateha i nga utu e utua ana ki nga Tiati o te Kooti Whenua Maori. Ko nga utu e utua ana ki nga Ateha inaianei e tae ana pea ki te £1 2s. 6d. mo te ra i uru ano hoki ki taua utu o ratou utu haererenga e kitea nei kihai i ranea. Akuanei ko nga Tiati e tango ana i te £500 i te tau a ko a ratou utu mo nga haerenga e neke ana i nga moni katoa e riro ana i nga Ateha. Ki taku mohio he mea tika kia whakahaerea tetahi tikanga pera me ta te mema mo Whanganui i mea ai. Mehemea e pera ana tera e oti nga mahi i nga Tiati e iwa; otira kaua e wareware ki tenei kua koroheheketia etahi o nga Tiati a ki taku whakaaro me whakauru etahi Tiati hou hei riiwhi mo era ara hei te tangata e mohio ana ki te mahi i era mahi.

Te Miterehana.—Mo runga i te take utu i nga Ateha e mahara ana ahau he tokomaha o ratou e tika kea whakanekea ake nga utu ma ratou i nga utu e utua nei inaianei. A tera e whiriwhiria taua take i te tuhituhinga hou o nga rarangi ingoa o nga Ateha.

Te Kere.—Na te kore kahore e ruritia nga whenua i kore ai e nga Kooti Whenua Maori. Kua rongo tuturu ahau i te tu kau te Kooti i Rotorua no te mea kahore ano i oti nga ruri, a mehemea kahore te Kawanatanga e awhina i nga Maori kia ruri i nga whenua e kore e taea e te Kooti te mahi i ana mahi. E whakaae ana ahau ki te ki whakaneke ake i nga utu ma nga Ateha. He tika ano hoki kia peratia.

Timi Kara.—E patai atu ana ahau he aha te take i tukuna toputia mai ai nga moni mo te taha Maori, kahore hoki he mea hei whakaatu he pehea te nui o te moni i riro ana i ia Apiha, a ahua huna haere ana taua mahi.

Te Miterehana.—Kei te rite tonu nga utu tau ki te tau kua pahure ake nei. Kihai i whakanekea ake aua utu. E hara i te mea hou kia whakanohia aua moni ki te Civil List no te mea i utua tonu nga Tari Maori timata mai i te tau 1868 tae atu ki te tau 1876 ki nga moni o te Civil List.

Heoi whakaaetia nga moni e £17,087 ma taua Tari Maori.

I whakaaetia ano hoki nga moni e £310 mo etahi tini mahi.

A mutu ana te noho o te Whare i te tekau miniti pahi i te rua karaka.