Nga Korero Paramete: 1891-1895
Wenerei, te 19 o Akuhata, 1891
Wenerei, te 19 o Akuhata, 1891.
Utu Takoha Whenua Maori.
Ko Kapa.—Patai ana ki te Pirmia awhea tukua mai he Pire hei whakatika i te Ture Pane Kuini mo te tiuti e utua nei mo nga whenua Maori, hei whakarite hoki i tana kupu i roto i nga whai korero mo nga moni o te koroni? Te take i pataia tenei patai na te mea kua maha nga whaka aringa o tenei take ki te Whare, a i te mea kua tata mai te ra e mutu ai te Paremete e wehi ana ia kei kore e whakaotia te tikanga mo tenei utu taimaha. He nui rawa hoki tona maharahara me to te iwi Maori hoki ki tenei me ta ratou mohio tuturu tera e nui nga painga e tau kia ratou ina whakaritea ta ratou hiahia. E kore hoki e taea te whawhati i tenei kupu na te taimaha kino o tenei takoha i whakawehiwehi i nga Pakeha e hiahia ana ki te riihi i nga whenua Maori me te whaka iti hoki i nga moni reti me te pupuri hoki i te mahi whakanohonoho o a ratou whenua e takoto mangere nei.
Te Paranihi.—Me mohio te honore mema tera e homai taua Pire a tona takiwa e tika ana kua oti te mahi a ka kokiritia mai ki te Whare i mua o te mutunga o te Paremete.
Nga Whenua Maori.
Ko Makitanara.—Patai anaki te Minita Maori awhea homai ai te riitana i motinitia e ia kia homai hei whakaatu ki te Whare i te nui me te ahua me te wahi i takoto ai nga whenua Maori o Aotearoa. No to 30 o Hanuere kua hori ake nei i pataia e ia tenei patai a kahore ano kia homai noa tenei pukapuka.
Te Karimana.—Ko taua pukapuka kua tino kitea inaianei he mea roa rawa otiia kua ki mai te Tumuaki o nga Kai Ruri tera pea e oti a te mutunga o te marama nei. Na te mea he ritana tenei e tirohia nuitia, kei te ata mahia paitia kia ngata ai te hiahia a te honore mema.
Rahui Maori Pirinihi Tiriti Tanatini.
Tame Parata.—Patai ana ki te Minita Minita Maori ko awhea homai ki te tepu o te Whare te riitana kua mo-page 22tinitia e ia hei whakaatu i te utunga kotahi o nga moni mo te rahui Maori i Pirinihi Tiriti Tanitini?
Te Karimana.—E rua nga whakaputanga moni e £5,000 i te utunga kotahi. Kotahi te mea kua oti te mahi, engari e kore e hohoro te rite te rua o aua pukapuka.