[Translation.]
No. 405.—Pukapuka-inoi a Nui Hare me etahi atu.

E ki ana nga kai-pitihana no ratou tera moutere a Motu Karaka e takoto ana, i te puaha o te awa o Tapuae i Hokianga. E ki ana ratou e mea ana a Hori Wepiha e whai karati ana ia mo taua moutere e whakaaro ana ratou tera pea e pohehe ana ia no te mea e wha anake nga eka i roto i tenei moutere ko nga eka i roto i te karati a Wepiha e 35 eka. E inoi ana ratou kia kimihia te take me tetahi tikanga ma ratou.

Kua whakahaua ahau kia ki penei:—

Ko te whenua e korerotia nei he maha nga pakeha i a ia i muri iho i te tau 1832 a kei a Hori Wepiha ano inaianei. Ko nga repo me nga tahuna e karapoti ana i taua whenua kei roto katoa i te Karauna Karati. Ko te tino nui o taua whenua i tae ki te 35 eka ko te motu anake ia kihai i neke ake i te 5 eka. Kahore he whakaaro a te Komiti i runga i tenei mea.