Henry Lawson Among Maoris
Ka nui to matou aroha ki to matou Maata kura ki a Tanaha raua ko tona hoa wahine ka riro nei i runga i ta korua tono ko te Kawanatanga. Ko te take i tino arohaina nuitia ai kua tangatatia ki a matou kua whanaunga kotahi matou ki a raua me raua hoki ki a matou. He Mata kura pai rawa a Tanaha kaore ana aha, ana aha. Kaore ana whiu kino i nga tamariki. Pai ana tana mahi whakaako i nga tamariki, ngawari ana tau ana te rangimarietanga. Kaore he maata kura hei rite me Tanaha te pai, te ngawari, ki te whakaako i nga tama-riki. Ko wai i hua ai ki enei Maata kura e tonoa mai nei i Muri nei e rite me Tanaha te ahua pai ngawari me tona hoa wahine hoki; a pea e kore e rite mo tera ma raua ko taku hoa Tiamana e titiro tenei Maata kura e haere mai nei i tona atahuatanga i tona rangimarietanga Amene i tona page 69ahatanga ranei kinonga ranei ki [te] patu kino i nga tamariki o te kura, tera ka tae atu e* whakaaturanga ki a koe a aku ranei; a te Tiamana ranei. Heoi ano ena kupu. Kei te aroha matou ki a Tanaha, raua [ko] tona hoa wahine i muri i a raua kua motu ke atu nei i a matou. Na te Pononga aroha, te
Keepa te Hina rahginui.