Ki te Etita, Te Aomarama.

E te hoa, e Rotia,

Tena koe, ara koutou katoa, tane mai, wahine mai, nga kaimahi tahi o ta tatau nupepa, o te Ao Marama. Kua whakahautia au e te Komiti Maori o te Wharewananga o Wikitoria, e te Ropu Te Reo Maori, me te katoa noaiho, kia tuku i a matau mihi nui whakaharahara ki a koutou mo te tino pai o a koutou mahi ki te ta i nga korero katoa mo te Ra Nui o te Reo Maori. I timata ta koutou mahi mai i te 29 O Akuhata mutu pai i tenei ra, te 19 o Hepetema. Akuanei pea kei te haere tonu. Me ki tonu e matau mehemea kaore koutou me ta tatau nupepa, e kore e kaha rawa te horapa haere o te rongonui o tenei ra. He tika he pai te awhina mai a te Whakaahua Irirangi a te Irirangi. He itiiti le awhina mal a etahi o nga nupepa. Tena ko koutou katoa, ko koe nei to koutou kaiarahi, he tino puku mahi rawa atu. I tino toa koutou ki te pakanga kia tika ta tatau ra, a i tino tika hoki, ara i tino oti pai nga mea katoa. Pai ana te putanga mai o aua whakaaturanga katoa i roto i te Ao Marama.

Kia nui nga ora ki a koe, ki a koutou

katoa.

Heoi ano.

Na Hemi Potatau

Translation:

Greetings to you, and indeed to all of you, both men and women, co-workers in the production of our newspaper, the Salient. I have been instructed by the Victoria University Maori Committee, the Te Reo Maori Society, and several others to convey to you all, our tremendous heartfelt thanks for the very successful way in which you fully publicised the National Maori Language Day. This publicity began in the issue dated August 29 right up to this, the 19th day of September. Perhaps it may still be continuing. We do say that, had it not been for you and our newspaper, the publicity of the day would not have been so far-reaching. Certainly, we acknowledge the important part played by Television and Radio; and to some extent by the newspaper. But all of you, with you (editor) as your leader, put a tremendous amount of work into it. You fought well in the campaign for the success of our day, and you emerged the victors; that is, everything went well, and everything was done well. Those issues of the Salient came out with the fullest satisfaction.