Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Salient. Victoria University Student Newspaper. Volume 37, Number 9. 1st May 1974

Te Poari Mo Nga Mea Maori

Te Poari Mo Nga Mea Maori

Kei te whakaae ahau (matau) kia horoia atu te Poari o nga Mea Maori. Ki a au (matau) ka taea tonuhta e te Minita mo nga Mea Maori te mehi i nga mahi a te Poari. Na re, ki a au (matau) ko te Poari o nga Mea Maori he takekore, he huakore. Ma te penei ka taea te hari tika tonu atu ki te Minita i nga take maha, kua kore a hurl haere, me tae rawa ki te Poari i te tuatahi katahi ano ki te Minita. E ki ana au (matau) ka taea e te Minita te whakatau i nga take e tae atu ana ki a ia, ka whakaatu tonu atu ki la tangata, tangata ranei, ki ia ropu, ropu ranei. (Kaore au (matau) i te mea ka taka te Kaunihera Maori o Niu Tireni ki rero i tenei whakamarama). Kao. Me marama tatau kei te mohiotangahia e whakahaere ke ana te Kaunihera i nga take a-iwi; na ra, nga monitapiri nga take a iwi, nga take toko i te ora. Na konei au (matau) ka mea ahakoa pehea te whakamakere mai i nga komiti la ingoa 'a-hapu' e kore e mate taua ahua. Kei te ki ahau (matau) ko te take i whakamakeretia ai taua kupu 'a-hapu' he mea kia awete te ngaro o to tatau mohio he Maori tatau, a ka Pakeha tatau. Heoi, e kitea ana e tatau, he pai tonu ke ki nga komiti o nga takiwa kainga te kupu 'a-hapu', engari kaore e tino pai ki nga komiti o nga taone nunui kei reira nei nga hapu, nga iwi maha, ara, a Ngati Kahungunu, a Ngati Porou, a Ngati Raukawa, a Ngapuhi, a Ngati Tuwharetoa, a Te Arawa, a Tuhoe a Te Whanau a-Apanui, a Watkato, a wai ake. Ka raruraru tonu ki te whakatu i nga komiti a-hapu, a iwi ranei ki enei wahi. Na kua tu noa atu he hapu Ngati Poneke ki Poneke, a tata te uru katoa atu ki roto, nga hapu, nga iwi, kua huaina ake nei. He ingoa a-hapu no te ao hou, engari he pai hoki. Kei te wharewananga o Wikitoria, Poneke, he Komiti Maori to te wharewananga e huaina ana ko te "Wharewananga o Poneke' komiti.