page 9

Upoko 8.

A No ka ki mai a Pirirara te Huhaite, ka mea,

2 Kia pehea te roa o tou meanga i anei mea? e rite ai nga kupu o tou mangai ki te hau nui?

3 E whakahe ranei te Atua ki te whakawa? E whakahe koia te Atua kaha ki te tikanga?

4 Na, he hara ano na ou tamariki ki a ia, i whakarerea ai ratou e ia, mo a ratou kino;

5 Ki te mea ka rapu wawe koe ki te Atua, ka inoi koe ki te Atua kaha;

6 Kia ma koe kia tika; na, ka whakatika ia mou, ka hanga i te whare o tou tikanga ki a ora ai.

7 Ahakoa iti tou timatanga, ko a te mutunga, nui haere ai.

8 ¶ Ka mea atu ahau ki a koe, me ui atu ekoe te whakapaparanga o mua, ka rapu ai koe ki o ratou matua:

9 (No nanahi hoki tatou, a, hore rawa kia matau, mo te mea he atarangi kau o tatou ra i te whenua;)

10 Ekore ranei ratou e ako ki akoe, e korero, e whakapuaki i nga kupu o o ratou ngakau?

11 E ahei ranei te kopupungawha te tupu ake i te paru kore? E ahei ranei te raupo te tupu ake i te wai kore?

12 E mangu ana ano tona tupu, ki ano ikotia noatia, kua maroke wawe ia i nga tarutaru katoa.

13 E penei ana te ritenga o ratou katoa e whakarere ana i te Atua; ko te tumanakotatanga tonutanga a te tangata tinihanga e whakakahoretia.

14 Ka kotia tona whakaaro, ko te whare pungawerewere hei okiokinga mona.

15 Ka whakawhirinaki ia ki tona whare, otira ekore e tu; e puritia ano ia e ia, otira ekore e pumau.

16 Mangu tonu ia i te ra, ka tupu tona manga i tona mara.

17 Ka tupu ona pakiaka ki te puke, ka kite ano i te wahi kowhatu.

18 Ko te mea ka hutia ia e ia i tona tunga, ko reira mea ai tona wahi, kihai ahau i kite i a koe.

19 Na, ko te haringa ia o tona wahi, a, ka tupu ake etahi atu i te oneone.

20 ¶ Na ekore te Atua e whakarere i te tangata tika; a, ekore hoki ia e tango ki te ringaringa o te kai mahi i te kino:

21 Kia ki ra ano tou mangai i te kata, me ou ngutu i te hari.

22 Ko ratou e riri noa ana ki a koe, ka whakakakahuria ki te whakama; ka whakakahoretia te kainga o te hunga hara.