Ki a Kawana Kerei,—Kei Akarana. E hoa tena koe, te matua o nga iwi Maori, i nua i tou nohaoanga tuatahi ki Nui Tireni tena koe i roto i te atawhai o te atua, kua whakahokia mai nei koe ki to matou nei aroaro, tenei ano a hau kei te aroha atu kia koe, tenei taku kupu ki a koe mo te taenga mai o Maihi Te Rangikaheke ki toku kainga, ko te take o tana haere mai mo taku kara kia turakina, ki atu page 10ana au ki a ia, kaore au o pai, ka ki mai ano ia kd au kia haere atu an ki kona, ki te aroaro o Kawana Parsone, ka ki atu ano au ki a ia, ka pai tena katahi ka tuhituhia atu taku reta ki a te Pokiha, he whakaatu mo toku taima haerenga atu ki Akarana. No te rongonga o Waikato katoa ki taku kupu haere atu ki kona, ka riri ki au kia kaua e haere atu. Heoti rongo tonu ano au i to ratou reo noho ana ahau muri iho ka hoki mai ano a Wi Maihi ki toku kainga tae rawa mai kua riro taku kara ki Rotorua na nga tangata o reira i tiki mai i tono ki a au kia hoatu e au tetahi kara ki to ratou nei kainga. Ka nui te riri o Maihi Te Rangikaheke ki au mo taku hoatu tanga i taua, kara ki tona kainga ki tona iwi hoki. Ko taku kianga atu kia ia " hei aha maku tau riri? " ka mea ia kia haere ia ki Rotorua ka mea atu au kia ia "haere," ko tana haerenga ki reira, te taenga atu ka tono kihai i homai e Te Wahakaikapua. He oti ano hoki mai ana ia. Ko te take i tuhia atu ai enei korero ki a koe, kei rongo koe i te korero horihori a te tangata, ana ka tae atu kia koe. Rere kaore au i pai ki nga korero katoa a Maihi no te mea rite tonu ano ana korero ki ta Kawana Paraone. Heoi ano.

E hoa, tena koe, kei tuhituhi mai koe kia haere atu au ki kona kaoro au e tukua atu e oku iwi katoa engari, me he hiahia ton kia kite koe i toku kanohi mau e haere mai ki Ngaruawahia kaore rawa nei hoki au e tukua atu ki ton aroaro. Heoi ano. Na to hoa aroha.