Other formats

    TEI XML file   ePub eBook file  

Connect

    mail icontwitter iconBlogspot iconrss icon

Return of the Correspondence signed or, Purporting to be signed by William Thompson te Waharoa, etc.

Matamata, Akuhatu 6, 1862

Matamata, Akuhatu 6, 1862.

Ki a Kawana, Kerei,—Tena koe, kia rongo mai koe, ko te Waipiro i tuhia atu e ahau kia te Mete ara te Waipiro a te Pakeha Wiwi i puritia nei ki te whare herehere mo tana tohe ki te uta Waipiro mai ki runga i te Kaipuke Maori, i tuhituhi mai hoki koe ki ahau mo taua Waipiro kia purutia. Ara ko te take ra i tuhia atu ai e au kia rongo koe, ko taua Waipiro, kua tahaetia e rua patara i kainga; ko nga tangata na ratou i tahae kua whakawakia kua utu e £5 tirohia mai e koe te he ranei, te tika ranei. Meake pea tae atu taua Pakeha Wiwi ki te Kaiwhakawa e mea ana e kore ia e tae atu ki te Tari ka haere tonu ia ki te kai whakawa. E hoa me he mea e pai ana koe ki enei korero utua mai, ki te mea e kino ana tuhia mai.

Kia tere mai te utu mai o taku pukapuka kia hohoro te rongo i te pai. I te kino ranei. Heoi ka huri iho. Kia Kawana, Kerei.

Na Wi Tamihaha te Waharoa.

Ma Hone te Kuti e hari mai te utu mai.