Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga kōrero a Reweti Kohere Mā

Te Inoi a Te Whetu Paerata

Previous Section | Table of Contents | Up | Next Section

Te Inoi a Te Whetu Paerata

E nga tāngata o Heretaunga, rūrū, awhiawhi tātau, kei te 2 o Tihema ka tau iho te manaakitanga a to tātau Matua i te rangi ki to tātau Pīhopa. He wāhi nui tēnei hei titiro ma nga hāhi katoa. E nga Ratana[287] hoki mai ki te āwhina i to tātou Pīhopa. E nga Momona, e nga Ringatū[288] ko te mana motuhake tēnei ka riro mai nei i a tāua, ka tū mai nei he Pihopa Maori mo tāua. Kaati rā te wehewehe i a tātau. Engari kia kaha tātou ki te āwhina i to tātau Pīhopa. Kaati ake aku kupu mo tērā āhua whakaaro. Kia inoi ake au mo te Pīhopa o Aotearoa[289].

E te Ariki, kua oti i a koe te tohu to pononga hei Pīhopa mo mātau, i runga i te tapu, i te aroha. Tukua mai tou Wairua Tapu hei āwhina, hei whakamārama, hei whakakaha i to pononga. Kia māturuturu tonu iho te tomairangi o tāu atawhai ki runga ki a ia kia tupu hōhonu ai te whakapono i roto i to iwi Maori. Ko Ihu Karaiti nei hoki to mātou Ariki. Amine.

Kia ora nga iwi o te motu,

Na Te Whetu Paerata

Ruatoki

He whakamārama: Me tango mai na Reweti Kohere i te tuatoru o nga whiti o nga kōrero a Te Whetu Paerata 'Mo te Pihopa.' Te Toa Takitini, Nowema 1928. Whārangi 873.—Nga Etita

[287]Nga Ratana: Ko te hāhi i whakatūria e Wiremu Ratana.

[288]Nga Ringatū: Ko te hāhi i whakatūria e Te Kooti Rikirangi. I kiia ai ko te Ringatū, he tūnga no te ringa o Te Kooti i te mata no te tū rānei o nga ringaringa page 188 i te wā e inoi ana.

[289]Pihopa o Aotearoa: Ko Rev F.A. Bennett te pihopa tuatahi.

Previous Section | Table of Contents | Up | Next Section