Tenei pukapuka i tuhituhia i tenei (25) e rua tekau ma rima mo nga ra o Akuata i te 1873. 25 August.Wellington District. tau o to tatou Ariki 1873 he pukapuka tino hoko tino hoatu tino tuku whakaoti atu na maua na nga Rangatira me nga tangata o Ngatuenuku no raua nga ingoa e mau i raro Tekamaru.net a hei whakaatu tenei pukapuka mo maua mo o maua whanaunga me o maua uri mo te tuhituhia o o maua ingoa ki tenei pukapuka i raro i te ra e whitu nei kua whakarerea rawatia kua tino tukuna rawatia atu ki a Kuini Wikitoria o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga pauna moni Tekau ma rima £15 kua utua mai a matou e Charles Heaphy Esq. V.C. mo te Kuini (a e whakaaetia nei a maua te rironga mai o aua moni) ko taua wahi whenua katoa kei Tekamaru e tata ana ki Ohariu ko Te Ika-a-maru te ingoa o taua wahi whenua ko nga rohe kei raro i te pukapuka nei e mau ana te korere whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai, me ona awa nui, me ona roto, me ona awa ririki me nga mea katoa o taua whenua o runga ranei o raro ranei i te mata o taua whenua me o maua tikanga me o maua take me o maua paanga katoatanga ki taua wahi. Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei pukapuka kua tuhituhia nei o maua ingoa me o maua tohu. A hei tohu hoki mo te whakaaetanga o te Kuini o Ingarani mo taua wahi ki nga tikanga katoa o tenei pukapuka kua tuhia nei te ingoa o Charles Heaphy Kaiwhakarite whenua rahui Maori ko nga rohe enei o taua whenua kiBoundaries. [494 acres.] te Taha o te Tuaraki ko te moana ki te taha o te Marangai—ko nga tekiona 27, 66, me 65 e rua tekau ma whitu e ono tekau ma ono me e ono tekau ma rima ki te taha o te tonga ko te tekiona 64 e ono tekau ma wha. Ki te taha o te hauauru ko te tekiona page 116 63, 26, me 19 e ono tekau ma toru e rua tekau ma ono me kotahi tekau ma iwa. Ko nga tangata i kite i te hoatutanga o nga moni me te tuhinga o nga ingoa—