Tupapokia Block (Maungaraki), Wairarapa District.
Tenei Pukapuka i tuhituhia i tenei i te 31st o nga ra o
Hanuere 31st i te tau1859. 31 January.Wairarapa District. o to tatou Ariki 1859 he Pukapuka tino hoko tino hoatu tino tuku
whakaoti atu na matou na nga Rangatira me nga Tangata o Ngatikahungunu no
ratou nga ingoa e mauTupapokia. i raro nei a hei whakaatu tenei Pukapuka mo matou mo o matou whanaunga
me o matou uri mo te tuhituhinga o o matou ingoa ki tenei pukapuka i raro i te
ra e whiti nei kua whakarerea rawatia kua tino tukuna rawatia atu ki a
Wikitoria Kuini o Ingarani ki ona uri ki nga Kingi ki nga Kuini o muri iho i a
ia me ana me a ratou e whakarite ai hei whakaritenga mo nga Pauna moni e toru
tekau a e rua tekau Pauna kua utua mai ki a matou e Te Herangi imua nei i te
23 o Hune 1858 mo te Kuini (a e whakaaetia nei e matou te rironga mai o aua
moni) ko taua wahi whenua katoa kei Wairarapa ko Tupapokia te ingoa nui o taua
wahi whenua ko nga rohe kei raro i te Pukapuka nei e mau ana te korero
whakahaere ko te mapi hoki o taua whenua kua apititea ki tenei. Me ona rakau
me ona kowhatu me ona wai me ona awa nui me ona roto me ona awa ririki me nga
mea katoa o taua whenua o runga ranei o raro ranei i te mata o taua whenua me
o matou tikanga me o matou take me o matou paanga katoatanga ki taua wahi; Kia
mau tonu ki a Kuini Wikitoria ki ona uri ki ana ranei e whakarite ai hei tino
mau tonu ake tonu atu. A hei tohu mo to matou whakaaetanga ki nga tikanga
katoa o tenei Pukapuka kua tuhituhia nei o matou ingoa me o matou tohu. A hei
tohu hoki mo te whakaaetanga o te Kuini o Ingarani mo tana wahi ki nga tikanga
katoa o tenei Pukapuka kua tuhia nei te ingoa o Te Herangi tetahi o nga
Kaiwhakarite Whenua. Ko nga rohe enei o taua whenua ka timata i te Ngutuawa o
Matengatenga ka rere i rotoBoundaries. i te awa o Makahakaha a te Ngutuawa o Mangahuia ka rere i roto i
Mangahuia a te ngutuawa o Tuwhaikura, ka rere i roto i Tuwhaikura a te
ngutuawa o Pareranui, ka rere ki Matangikaihau a te Pa o Arakaiwherohia ka
whati mai ki te kauru o Matengatenga ka rere a te ngutuawa ra ano ki
Makahakaha, ka tutaki ikonei.
Wiremu Kingi Tutepakihirangi.
Maika Purakau.
Ngairo x
tona tohu.
Raharuhi x tona tohu.
Na Raniera.
Na Anaru
Tuhokairangi.
Atareta x tona tohu.
Wi Katene Pahura.
W.
Maihi x tona tohu.
Karaitiana.
Arahana x tona tohu.
page 350
Ko nga tangata i kite i te hoatutanga o nga moni me te tuhinga o nga
ingoa—
Jno. Hildebrand Settler, Ahiaruhi.
F. Burton, Wairarapa.
Receipt for | £30 |
Received cash— | |
23 June, 1858 | 20 |
| £30 |
Kua riro mai ki a matou i tenei ra i te 31
st o nga ra o Hanuere i te tau
o to tatou Ariki Kotahi mano e waru rau e rima tekau ma iwa (1859) nga Pauna
moni e toru tekau (£30) ko te utu whakaotinga tenei kua whakahuatia ki te
Pukapuka tuku e mau i runga ake nei kia utua mai ki a matou e Te Herangi mo te
Kuini.
Maika Purakau.
Wiremu Kingi.
Ngairo.
Raharuhi.
Nga kai-titiro—
Jno. Hildebrand, Settler, Ahiaruhi. F. Burton, Wairarapa.