Hikurangi and Awatoetoe Block, Wairarapa District.
1859. 1 November.Wairarapa District.Tenei Pukapuka i tuhituhia i tenei i te tuatahi o nga ra o
Nowema i te tau o to tatou Ariki 1859 he Pukapuka tino hoko tino hoatu tino
tuku whakaoti atu na matou na ngaHikurangi. Rangatira me nga Tangata o Ngatikahungunu no ratou nga ingoa e mau i
raro nei a hei whakaatu tenei Pukapuka mo matou mo o matou whanaunga me o
matou uri mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia ki a Wikitoria Kuini
o Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni kotahi te rau £100 kua
utua mai ki a matou eBoundaries. [530 acres.] Te Herangi mo te Kuini (a e whakaaetia nei e matou te rironga mai o
aua moni) ko nga wahi whenua e rua kei Whareama ko Te Hikurangi tetahi ko to
Awatoetoe tetahi ingoa o aua wahi whenua ko nga rohe kei raro i te Pukapuka
nei e mau ana te korero whakahaere ko te mapi hoki o taua whenua kua apititia
ki tenei. Me ona rakau me ona kowhatu me ona wai me ona awa nui me ona roto me
ona awa ririki me nga mea katoa o taua whenua o runga ranei o raro ranei i te
mata o taua whenua me o matou tikanga me o matou take me o matou paanga
katoatanga ki taua wahi; Kia mau tonu ki a Kuini Wikitoria ki ona uri ki ana
ranei e whakarite ai hei tino mau tonu ake tonu atu. A hei tohu mo to matou
whakaaetanga ki nga tikanga katoa o tenei Pukapuka kua tuhituhia nei o matou
ingoa me o matou tohu. A hei tohu hoki mo te whakaaetanga o te Kuini o
Ingarani mo tana wahi ki nga tikanga katoa o tenei Pukapuka kua tuhia nei te
ingoa o Te Herangi tetahi o nga Kaiwhakarite Whenua. Ko nga rohe enei o
Hikurangi ka timata i roto i Whareama i te ngutuawa o Otamariki rere tonu i
roto i taua awa a Hikurangi a puta noa ki Whareama, rere tonu mai i roto i
Whareama a te ngutuawa ra ano o Otamariki heoi ka tutaki. Ko te wahi
Ngaherehere paku ki te Awatoetoe tetahi.
Wiremu Paraone.
Karaitiana.
Kereopa Aperahamax.
Hera Te Atax.
Ko hori mare.
Ko nga tangata i kite i te hoatutanga o nga moni me te tuhinga o nga
ingoa—
Henry Thos. Spratt,
M.R.C.S., &c, Wairarapa.
George Moore, J.P.,
Wellington.
Receipt for £100. Kua riro mai ki a matou i tenei ra i te tuatahi o nga ra o Nowema i te
tau a to Tatou Ariki Kotahi mano e waru rau e rima tekau ma iwa (1859) nga
Pauna moni kotahi te rau (£100 . 0 . 0) Ko te utu tino whakaotinga tenei kua
whakahuatia ki te Pukapuka tuku e mau i runga ake nei kia utua mai ki a
matou e Te Herangi mo te Kuini.
Wiremu Paraone.
Karaitiana.
Kereopax his mark.
Nga Kai-titiro—
Henry Thos. Spratt,
M.R.C.S., &c, Wairarapa.
George Moore, J.P.,
Wellington.