Nga rohe o te whenua.
Ka timata te rohe ki Paremahu tapatu ki uta ki Oure ka haere ki Tengawa kaBoundaries. haere ki Parairoa ka haere ki Te Mokopeke ka haere ki Moturaurakau ka
haere Otutai-o-te-wanau-pani ka haere ki Te Whangai-o-Mauapou ka haere ki Te
Tara-o-te-riwa ka haere ki Tangituporo ka haere ki Puangiangi ka haere ki
Taumata-o-ngarengare ka witi ki Ngahape ka haere ki Tureirei ka haere ki Okupa
wakamau ki te Pa o Te Rangitahia ka rere i te wai i Maharakeke haere tonu i roto
i te wai o Maharakeke puta noa ki te ruri ki Waipauamate haere ki Manga-o-Nuku
haere ki Manga-o-tae haere ki Taupare-kohai ka wakamau ki runga ki te
Mimi-o-Rauru haere ki Mangatawata haere ki Te Arawata-totara haere ki Otane
haere ki Te Haunga haere ki te Papanui haere ki Pata-ngata ka haere i Tukituki
puta noa ki Hawea haere ki Ngakautawa haere atu i Ngakau-tawa ka witi i
Mokokakariki haere ki Kotukumauroa haere ki Te Wakataretau puta noa ki Te Tuhi
haere noa atu ki runga i te ruritanga ki Manawarakau puta atu ki te Moana ka tae
ki reira ka haere i te takutae ki Paoanui haere tonu Porerere haere Tuingara
haere Te Waihirere haere atu ki Kohatupapa puta atu ki Paremahu.
Heoi ko nga ingoa enei o nga rohe kua oti nei i a matou te wakaatu te wakahaere
ki a te Makarini raua ko Perehia te kai ruri i to matou haerenga nui ki te ruri
i te whenua. Kua oti i a matou i o matou huihuinga ki Te Waipukurau ki Patangata
ki Te Aute ki tenei huihuinga nui ano hoki o matou te hurihuri te wakaaro te
mihi te tangi te poroporoake ki enei whenua o a matou tipuna tuku iho kia matou
hei whenua pumau na matou i tenei ra e witi ana ki a Wikitoria te Kuini o
Ingarini me nga rakau me nga wai nga wahi atahua me nga wahi kino me nga aha noa
iho o taua whenua hei whenua tuturu na matou ki a te Kuini o Ingarini ake tonu
atu A ekore hoki matou e tuku i etahi tangata kia wakararuraru i nga pakeha ki
runga i tenei whenua.