[ko te tohutoro i roto i te reo Pākehā]
page breakNiu Tireni. Te tau rima tekau ma wha o te kuinitanga o Kuini Wikitoria.
Karaati Whenua Mo Horomona Paatu.
He Ture hei whakamana i te Karaatitanga o tetahi Whenua ki a Horomona Paatu.
Notemea i runga i te whakatau a te Komiti mo nga mea Maori o te Kaunihera o te rua-tekau ma rua o nga ra o Nowema, kotahi mano e waru rau e waru tekau ma whitu mo runga i te pitihana a Horomona Paatu, whakataua ana he mea tika kia tukuna he karaati ki a ia mo tetahi wahi repo e takoto kau ana i te rahui o Aparima, hei whakaea rawa mo ana kereme katoa ki taua rahui; otiia kaore taua Horomona Paatu i whakaae ki te tango i taua whenua; a i te mea he maha nga ritenga i whakahaerea hei whakaoti pai i taua mea, kua whakaae taua Horomona Paatu ki te tango i enei whenua ka huaina i muri nei, hei whakaoti rawa mo aua kereme katoa ana, no reira e tika ana kia whakamana te Kawana ki te hanga i tetahi karaati mo taua whenua i runga i aua tikanga:
Na ka meingatia e te Runanga Nui o Niu Tireni e noho huihui ana i roto i te Paremete, a i raro hoki i tona mana, enei ritenga e whai ake nei, ara:—
1. | Ko te Ingoa Poto o tenei Ture ko "Te Ture Karaati Whenua mo Horomona Paatu, 1890." |
2. | Ka ahei te Kawana i tetahi wa i muri i te paahitanga o tenei Ture i raro i te ingoa me te mana o te Kuini ki te karaati atu kia Horomona Paatu me ona uri tera whenua i te Taone o Waimatuku i roto i te Kaute o Wallace, me karaati i runga i te tikanga here kia kaua e taea te hoko te tuku pewhea ranei taua whenua kua whakaa-turia nei nga rohe i roto i te Apiti e whai ake nei, ko aua whenua ka kiia kua karaatitia hei whakaotinga rawatanga mo nga kereme katoa o mua atu o naianei ranei a taua Horomona Paatu ki taua rahui i Aparima. |
Apiti.
Te katoa o taua wahi whenua i te Taone o Waimatuku, 37 eka 1 ruri, nuku atu iti iho ranei, ara nga Tekiona Nama 3, 4, me 5, Poraka VII. Te rohe ki Raro ko Tekiona 2; ki te Nota-ma-te-rawhiti ko te Tiriti o Promu; ki te Tonga-ma-te-rawhiti he huarahi; ki te Tonga ko Paunere Tiriti; a ki te Hauauru ko Tekiona Naina 6.
page break