E Faia Nist Faaipoipoga Ona E Le Fia Maua E Tōga

Afai e ta'ua mai pe ua iloa e Tulafale se Taupou e mata e le a maua ai ni e latou Toga e tele pe a faaipoipe ma le alii o lo latou nu'u, ona latou filifili lea ma faapea atu i le Alii o le latou nuu Sauni ia o lau afiega o le a alu la tatou aumoega i le tama'ita'i le la. E tusa lava poo i ai se to'alua faaipoipo o le alii, ae fai atu lava i ai upu faapenei:- O lau afioga, tia'i ia lena tama'i ta'i ua leva fo'i ona aso, tau ina ua uma nai ona laufala vao (pe afai ua uma sona hunu) ae momoli ia i lona aiga, taumafai se ala e tatala ai la oulua faaipoipoga ua ola na tamaiti, ae tatou oi le tama'i ta'i le la e matua teua, “Se'i sumai ai ni Toga mo Fale-Upolu”. O le a fai lava le mea ua loto i ai faleupolu (tulafale), e tusa fo'i po ua toeaina le alii e le tatau ma le teine itiiti o le a alu i ai le aumoega, ae fai pea lava ona o le fai maua o Toga. O le a alu uma lava le nuu (Matai ma Taulele'a) i le Aumoega. E ave pua'a tetele, a itiiti ua 2 ae eo lava i le 10 e taumafa ma le aiga o le teine ma lo latou nu'u, e ta'ua na pua'a o le “Tauga”. O le a talatala e tulafale o le Aumoega (poe le alii fo'i) ma le Taupou ma faaali i ai le mana'o, ona filifili lea i ai o le tama'i-ta'i ma ona matua ma lo lateu nu'u, ae nonofo [gap — reason: unclear] ai pea lava le Aumoega pe lua aso o faatali i se tali. E maua ane le tali e faapea: “Faatau saili”, o lona uiga e le talia. Ua fo'i le Aumoega, pe tasi le vaiasosa e te'a, ona toe sau fo'i lea ma se isi tauga, o nisi fo'i pua'a tetele poo ni paelo. Afai e mamao le nuu na sau ai le Aumoega, e mafai ona na ona tuumuli atu i se isi nuu lata mai ma toe sauni mai ai lona lua poo lona tolu o Aumoega. O nisi

page 2

Aumoega ua talia lelei vave lava i le loto o le tama'ita'i, ae [gap — reason: unclear] lava nisi Aumoega i le fo'i faa-lima mai, ma e tofu lava ia Aumoega ma le tauga lelei. (E seasea leva se Aumoega e talia i le faiga muamua poo le faa-lua). E ui lava ina musu le teine ma ta'utino mai na te le loto i ai, a'o le a saga tauanau pea lava ma fai ma le faamoemoe i se pule mai le faleupolu o loo faap[gap — reason: unclear] ai le 'Au(taupou). E ui lava ina musu le teine ma tagi e le fia fai tane i le Alii, ae afai ua alolofa ma faaaloalo mai faleupolu i le alii ma lona nuu ona o le o atu so'o, ma ua tele mea taumafa ua latou faaaopgaina, ona pule malosi ai lea o le faleupolu ma faa-avaga le teine. Ua fai le loto o faleupolu, o le a tu atu se tulafale ma fai le Lauga i le Aumoega ma faaali atu ai, “o la outou ava lenn”. Ona fiafia lava lea o le Aumeega ma fai lauga faafetai ma fai a latou tini (alalaga fiafia). o le Aumoega lena ua talia, a'o nisi fo'i Aumoega, e ui lava ina fai soo ma tele taumafa e la'u mai, ae le talia lava, na ona ua maumau ai mea ma aso e tele ma o le a itagia ai fua fo'i si alii na ave ai le Aumoega, ma ua tete'a ai fua fo'i ma si ona to'alua muamua.

Afai o le taupou ua faa-avaga ma o le a o ma le alii ma le Aumoega, o le a avatu ni 'ie toga se 2 e oo i le 5 mai le aiga o le teine e ta'ua o lie avaga. Ae afai azs o le a nofo pea le temaitai ae fo'i le aumoega e sauni mai mo le faaipoipoga ona nonofo ai lea na o ni tulafale e leoleo le faletua o lo latou alii, ma faigaluega ai i le aiga o le tama'ita'i se'ia [gap — reason: unclear] ina fai le faaipoipoga, ona maua ai lea o ni o latou 'ia-toga i le Nunu.

O le tu lena a Samoa o le Aumoega e ta'ua o le tu faatamalii.