Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Te whakatuwheratanga o Te Tumu Herenga Waka : 6 Tihema 1986, Poneke, Te Whare Wananga o Wikitoria

HE TIMATANGA KORERO :

page 4

HE TIMATANGA KORERO :

Ko hea, ko hea tera maunga e tu mai ra ra?

Ko Tararua! Ko Tarania!

Ko hea, ko hen hoki tenei maunga e tu iho nei?

Ko Ahumairangi, ko Ahumairangi!

Nukunuku mai, nekeneke mai,

Nukunuku mai, nekeneke mai,

Kl taku tauaro kikini ai:

Hi hi hi hi hei!

Hi hi hi hi hei!

E nga mana, e nga reo, e nga matawaka, tae atu ki nga manuhiri, ki te tangata whenua ki nga hoa, tena koutou, tena koutou, tena koutou katoa.

Tena koutou i te ahuatanga ki te hunga kua riro i te ia o te tai-hekenga-nui, o te tai wehewehenga-tangata ki te Po, a e moe mai ra i Tuawhakarere!

Whakahuihuitia mai o koutou mate, ki nga mate o tenei marae, kia kiia ai kua mihia ratou.

Kei te huri nga mahara ki a Ruka o Nga Rauru, te tohunga, te kaiako i kaingakautia e te whanau o tenei marae. No te 17 o Aperira, 1986, i kapohia ai ia e te ringa kaha o aitua. Kei te mahara atu hoki ki a Takuta Wiremu Paaka kaumatua, Ahorangi o te Tari Maori o tenei Whare Wananga i wehe atu i te 10 o Noema, 1986. He hoa mahi raua no matou aa i te tau i mate ai raua koinei tonu te tau i whakatuwheratanga ai te wharenui hou. Kei te mihi atu ki a raua kua wehe atu nei. Kua tu te whare. No reira me hoki wairua mai raua ki Te Tumu Herenga Waka.

Kati, kua mihia o tatou aitua. Ka huri inaianei ki a koutou nga kanohi o ratou kua huri ki te aarai. Tena koutou. Ko te reo tenei o nga kaiako, nga tauira, nga hoa, nga kaiawhina o Te Herenga Waka marae o te Whare Wananga o Wikitoria e mihi atu nei ki a koutou. Nau mai, haere mai. Ko Ahumairangi te maunga, ko Te Herenga Waka te marae, ko Te Tumu Herenga Waka te whare whakairo o runga, ko Nga Mokopuna te wharekai. Haere mai, haere mai, haere mai.

What, o what is that mountain yonder?

It is Tararua! It is Tararua.

What, oh what is the mountain standing here?

It is Ahumairangi, it is Ahumairangi.

Approach gently, come forth.

Approach gently, come forth.

Come and caress my face

Hi, hi, hi, hi hei!

Hi, hi, hi, hi, hei!