Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi A Te Hinota Tuarua O Te Pihopatanga O Waiapu. I Whakaminea Ki Waerengaahika, Turanga. 5 Hanuere, 1863.

Ko Te Korero Tenei O Nga Mahi A Te Komiti Tuuturu O Te Hinota O Te Pihopatanga O Waiapu Mo Te Takiwa O Te 5 O Nga Ra O Tihema, 1861, Tae Noa Ki Te 5 O Nga Ra O Hanuere, 1863

[i roto i te reo Pākehā]

page 29

Ko Te Korero Tenei O Nga Mahi A Te Komiti Tuuturu O Te Hinota O Te Pihopatanga O Waiapu Mo Te Takiwa O Te 5 O Nga Ra O Tihema, 1861, Tae Noa Ki Te 5 O Nga Ra O Hanuere, 1863.

1.

I te 26 o nga ra o Tihema, 1861, i whakatakotoria tenei tuuturu e tenei Komiti;

"Kia whakaaturia ki te Hinota Nui enei tangata hei Kai-tiaki mo te kaainga o te Kura i Waerengaahika, ara, ko nga tangata i kiia e te Whanau a Taupara.

  • Te Pihopa O Waiapu.
  • Rev. W. L. Williams.
  • Ihaia Te Noti.
  • Poihipi Te Rohe.
  • Henare Kepa Ruru.
  • Wiremu Pere.
  • Matena Ruta Toti.
  • Pita Te Huhu.
  • Te Ture Kupa.

Kua oti hoki enei tangata te whakarite e te Hinota Nui hei Kai-tiaki mo tenei kaainga; tena hoki te pukapuka o taua mea kei runga i te teepu.

2. I puta te kupu a te Hinota i tera tau kia tirotirohia e te Komiti Tuutnru etahi o nga Ture a te Hinota Nui kia whakamaoritia. Koia hoki te 2, te 4, me te 5 o aua Tare i whakamaoritia ai, a kua oti te perehi ki te reo Maori, kua tae nei hoki ki nga wahi katoa o tenei Pihopatanga, hei korerotanga ma nga tangata.
3. Tenei etahi moni mo te kawe atu i te Rongo Pai ki nga tauiwi kua tae mai ki tenei Komiti £17 5s 0d, meake hoki ka tukua atu ki Akarana kia whakanohoia ki runga ki te mahi i kohikohia ai. Tenei te piri nei te pukapuka whakaatu o aua moni.
4. Tena ano hoki te pukapuka whakaatu i nga moni o te perehitanga i nga Mahi a tera Hinota, me te utu o te pukapuka hei tuhituhinga i nga Mahi a te Hinota, te takoto na i runga i te teepu. Kua tangohia mai he utu mo enei mea i roto i nga moni marena, kia motuhia mariretia ra ano he moni mo tenei mahi.

(Whaitohu) William Waiapu,
Upoko.