.jpg)
He pukapuka ako tenei i nga ritenga pai e-maha o roto o te taonga nei o te moni, i nga tikanga pai hoki, o te hokohoko, o te aha, o te aha
Upoko III. — Ko nga tikanga i Nga Rawa o tetehi Whenua—e utua nei mo nga. Rawa o tera Whenua ake atu — He Hokohoko Ke Ano
Upoko III.
Ko nga tikanga i Nga Rawa o tetehi Whenua—e utua nei mo nga. Rawa o tera Whenua ake atu
He Hokohoko Ke Ano.
He Rawe ano to taua tikanga nei to te hoko atu i nga Taonga o tetehi whenua—hei utu mo nga taonga o tera whenua ke atu; Inahoki, me whakaro—he Taonga ke ano to tetehi whenua—he Taonga he ano to tetehi—puta ai te whakaro—me hoatu atu o tenei—mo nga rawa o tera —kia whiwhi tahi ai—i penei hoki—ara, ko nga Rawa o tenei Moutere o Nu Tireni, me tuku atu hei Utu mo nga Rawa o tera Motu o Ingarangi—i rite tonu ki nga Motu, ki nga whenua katoa—nokonei—ko te Iwi i kore—ka whiwhi ke atu ki nga taonga o tera atu—ka ora ngatatahi.
Na te Moana hoki i pai ai taua ritenga Hokohoko nei— ahakoa na te moana i wehewehe nga whenua, ina tirohia e te kanohi—kaore hoki—na te Wai, ara, na te moana i patata ai—mehemea he tuawhenua anake—ekore te mano o te taonga e taea te pikau haere—i te taimaha, i te nui hoki o te utu ki nga Kata hei pikau—ekore hoki te Kaipuke e taea te to—ahakoa tini nga Hoiho hei to, kaore hoki engari ano—ma te Hau ma te mea utu kore—tona Ara he kaipuke—kua takoto noa mai—kahore he kianga atu kia hanga mai he ara—he mea kua takoto ke noa ake i waenga moana;—a he mea ano, keri rawa te whenua—whai awa page 20
rawa—whanatu noa atu—uta ai nga taonga ki runga kaipuke—ka waiho ma te Hoiho e to haere i uta; me he tua whenua—kaore hoki e taea i te taimaha,—na te wai hei whakamama, hei whakapaneke—haere ana ka riro— ahakoa rua—toru ranei, nga kuri hei to, he pai noa iho.
Heoti—he Iwi pohehe nga Iwi e puhaehae nei—e tutu nei—e tari tonu nei i te pakanga—huatu—he Hoko Hoko anake ano te mahi pai—te mahi ata noho, te mahi whakawhiwhi i te tangata ki te taonga; ko tenei—Ko nga tohu atawhai a te Atua, whiua ketia ana e te tangata e he tonu nei ona whakaro.