Wharangi Tuarua.

Ka rongo nei tatou ki nga tikanga o te Hunga whai Taonga o te Hunga Rawa Kore—he wahi ano ki te taonga—he wahi ano ki te rawa kore;—tena ranei—ka tangohia i nga taonga o te Hunga whai Rawa—tuhatuha ina Ki te Hunga taonga kore—kowai i hua ai, e pai ake he tikanga mo ratou? ekore—engari ranei—ko konei kitea ai te korenga iho o nga Rawa— ahakoa riro mai nga taonga o te Hunga whai Rawa—ko te tu ano o mua—e kore hoki e mutumutu te mahi—inahoki, me page 38mahi ki te ringa o te tangata, ka whiwhi ai ki te Kai, ki te Kakahu, ki te aha, ki te aha—engari,—i to mua tikanga —mahi atu te tangata ka riro mai te Utu i te tangata nana te mahi—i te wahi o te taonga—tena, ka whakaratoa katoatia ki te Rawa—kei whea te huhuatanga o te moni— tona tu—to tenei tikanga—koia tenei—mahi atu te tangata—kainga ake nga kai—ka pau—ekore te whakaro e mea—kia whaitohungia he moni—he wehi—kei rangona —tikina mai—tangohia e te tangata ke:

Ekore e ngaro te tukunga iho o tenei tikanga—akuanei, ka puta pea—he tau mate kai—ka puta ko nga mate turoro ranei—me pewhea ra he tikanga mo tena tangata —kua ngaro katoa nei ana Rawa,—nga moni hei oranga mona?

Akuanei—no te matenga ka mate—tana e kimi ai, he mahi mana—a kowai i hua ai—tena te tangata e tahuri ki te tuku mahi mai mana—kua kore nei hoki nga Puna o te moni;—ko ratou ko nga tangata—i pono te toenga wahi iti o nga Moni—e kore e hamumu te reo— he wehi—kei rangona—tikina mai nga Moni, tangohia— ta te wehi tana hanga—kawe rawa ki roto o te Ana Kowhatu takoto ai—tanu ai ranei ki te whenua—kia ngaro kei kitea—akuanei, na enei tikanga ka mate te whenua i te kore kai, i te kore moni;—ka whenei tonu te ritenga, me o nga Iwi Maori—to tena tangata—tona whakaro—koia ake ano—ko ratou, ko te Hunga wai taonga o mua—kua rawakoretia inaianei—ko te Hunga Rawa kore—kua kore rawa he taonga inaianei, kua mate noa ake:

Erangi ko te tikanga pai, koia tenei,—ahakoa,—whai taonga,—ahakoa Rawakore—ko te Ture kia tika—kia whenei me te Ture o Ingarangi—me to konei tikanga hoki—kia pai ai, kia takoto ai te taonga—kei tikina page 39huhuakoretia mai e te tangata ke—tango ai—kia waiho koia tangata—koia tangata, hei kimi, hei whakaro i tetehi taonga, i tetehi oranga mona ake ano,— kia waiho—ma tona ngakau ake ano e rapu he tikanga pai mona—ko te ata noho—kia ata noho—kei poka ki runga ki to tera tangata taonga tutu ai,—whakakuaro ai:

Akuanei hoki tatou rongo ai—ki te tikanga o te Hunga whai Rawa—he tangata—he whakaro ano tona—he tangata—he whakaro ke ano tona;—ko tetehi e pupuri ana i ana taonga—ko tetehi—he tuku noa atu,—he hanga ngahoro noa—heoti,—ahakoa puritia te Moni—ekore ano e rite te pupuri—haere ana ka riro i te mano o te taonga—i te utu kai,—i te utu aha—i te utu aha—tona okiokinga—to nga moni, kei runga kei te Hunga Rawakore, hei oranga mo ratou mo a ratou tamariki,—he ahakoa ianei kaiponu te tangata i ana moni, me aha i te hiahia o te ngakau ki te nui ki te pai o te taonga; ahakoa— kaiponutia, tera ano e riro to tango—haunga te tango whenako—he tango e te ringaringa o nga kai mahi taonga, inahoki—ekore te kai, te taonga e huhua noa ake i roto o te moni—ma te ringaringa o te tangata ka oti to taonga;—Ahakoa kaiponu te ngakau, ahakoa ngawari— he rite tahi, ekore te moni e ora te titaritari e te taonga:

He maha ke nga Huarahi o tenei hanga o te moni,— iuahoki, ahakoa kaiponutia nga Moni a to tangata whai Rawa—tera ano e riro—hei taonga hei oranga mo te tangata ke,—ka rangona nga moni kei te takoto—akuanei minaminatia ai e etehi tangata,—hei moni ki a ratou takoto ai—hei a mua, ka whakahoki ano ki te tangata nana nga moni—ka whanau mai nga moni, ko etehi o nga tamariki ka kawe ki te matua—ki te tangata uana te putake o nga moni,—apiti atu ko te Matua ko nga page 40tamariki, hei ritenga, hei koha ki a ia—he maha ke nga tikanga e whakawhanau ai te moni i ana tamariki— ka tupu nga kai, ka hokoa hei moni—koia ia ko nga mahi ahu whenua, ko te hokohoko o te taonga—ko te tiki i nga Rawa o era whenua o era Moutere, ka uta mai ka hoko,—nakonei ka ata kitea te whakawhanautanga o te moni.—

He ahakoa ianei, ma te kanohi e titiro, he nui ke nga moni a te tangata whai Rawa—he hori—ko te nui—i nui—nui kau—ko te ingoa i riro kau ki a ia—na nga huarahi emaha o te moni, tae tonu atu ki te Hunga Rawakore—hei oranga mo ratou;—he hori te hoatu noa atu o te moni ma te tangata,—engari ano, waiho mana e kimi marie i ona Huarahi, tae noa ano ki tona tutakinga mai—ko te tangata manawanui—mana ka riro ai—ko te tangata i kore—kore noa iho.