The Ancient History of the Maori, His Mythology and Traditions: Horo-Uta or Taki-Tumu Migration. [Vol. II]
[title page]
Ko Nga
Tatai Korero Whakapapa
A Te Maori
Me Nga Karakia O Nehe
A Nga Tohunga
O Taki-Tumu, Ara O Horo-Uta .
Na Hone Waiti
I mahi.
Pukapuka Tua-Rua.
Werengitana:
Na Te Kawanatanga I Ki Kia Taia E Hori Titipere, Kai Ta Perehi
A Te Kawanatanga.
1887.
Kaore to aroaha, ki taku potiki.
E tama tu kino, te whai muna iho
Ki au, ka tu taua, ka whai i te tira
O te tupuna o Whati-hua.
Ki mai Rua-pu-tehanga”
E hoki i kona, ka mate korua
I te whainga pai, i taku hika tau ke.”
Ka tu nga tai o Rakei-mata-taniwha-rau.
Hoki mai, e tama e i.
Korerotia mai nga hane a te waewae
I kimi (rapu) atu. Ka uia mai koe
E nga whenua, ki te kauwhau whakapapa
Mau e ki atu “Wareware ko au he tamariki.
Wareware tonu au.” Tenei ano ra
Te rangona ake nei, Tai-nui,
Te-Arawa, Mata-atua, Kura-hau-po,
Toko-maru, nga waka tena o tupuna
I hoe mai ai, te moana nui
E takoto nei. Hotu-roa, Nga-toro,
Tama-te-kapua, Rongo-kako, Tama-tea,
Nga tangata o Te-Arawa e i,
I whakapiraratia ki nga whenua nei.
Me whakatika atu nga whakahe
Mai a to matua teina, a Te-tauri
Mo te kupu hoa mai i nga rangi ra.
E tika ana ra, na Wai-rangi korua,
Na Pou-tu koe i. Me rapu noa ake
Nga puna he rau o Tua-matua
Kei reira e tama nga puna
I moe ai korua ko Te-tauri.
He manawa e kore nei e taea
E te Ra o te waru.
Ta Oi-kai-awe-whare, na Kiri-tai koe i,
Na Wai-tapu, Hine-rehu, ko Te-kahu-rere-moa,
Ka noho i ta te Upoko-iti tama
Ka puta ki waho ra, Wai-tapu
I haere ra ia, i te maunga rongo
O te ture a Whiro, ka puta ki waho ra,
Pare-kawa, Tama-mutu,
Ko Te-waka-toto-pipi
Ka tu kei te riu o Whanga-nui
Tu-roa, ko Te-rangi-hopu-ata
Ko tana tama, ka huihuia koutou
Ko teina ma-matua ki reira.
E tama rongo nui, a to matua
Ki nga whenua, i te rangi ra
Kei ora ana te whetu marama
O te ata, “Te puhi o Motai tangata rau e.”