Other formats

    Adobe Portable Document Format file (digital text)   TEI XML file   ePub eBook file  

Connect

    mail icontwitter iconBlogspot iconrss icon

The Ancient History of the Maori, His Mythology and Traditions: Tai-Nui. [Vol. V]

[title page]

Ko Nga
Tatai Korero Whakapapa
A Te Maori
Me Nga Karakia O Nehe

A Nga Tohunga
O Tai-Nui.

Na Hone Waiti
I Mahi
.

Pukapuka Tua-Rima.
Werengitana:
Na Te Kawanatanga I Ki Kia Taia E Hori Titipere, Kai Ta Perehi
a Te Kawanatanga
.
1888.

page break

He Waiata Taunu Na Hoki, Mo Te Hunga Tatai He,
I Nga Kauhau O Nehe.

Te whakama i au e,
Me he iwi ora te kai kino nei te mamae,
Ki te rongo kino e hau mai nei,
I tu a kaihau te korero,
E te patata mai.
Ka hei koia taku ngakau,
I ngaki mowhiti ai,
Ki taku whakaaro,
Ko te pou huinga mataho nui o te whenua,
Ki te karanga i nga iwi
Ki te ahu taua teretere kei Horo-tiu,
Kia kakahu i te kahu whakairo,
He Neketahi,
Ki te Pakipaki, he Korohunga,
Ki te nohoanga o te Toi-ha.
Nukunuku Tohe-roa ki tahaki,
Te nohoanga o tumu, te nohoanga o he,
Te nohoanga o te Whirowhiro.
Ka tau ano rapea, e tama,
Ka waiho te haere, hei haere,
Pae mai te taonga ki te whare,
Hokia te tuarua,
He ara kai hokohoko.
Kihai koe i whakaaro,
Ki a Wai-ta-oro,
I nohoia na te puwaha o O-koro,
Kihai taka mai he taonga:
Maui-hangahangarau,
I hia ai Haha-te-whenua,
Ka eke Hawa-iki-roa ki uta.
Hika-te-pipiro,
I takina mai ai Rua-ea ki uta nei,
Hei kati mo te tangata.
He Mangaa te ika i houa ai,
Te takere o Tai-nui.
E hara rapea e tama i konei,
No rawahi mai ano,
No nga mangainga i a Tama-te-kupua:
Whiro te Tupua,
He Tupua Nga-puhi,
He Tupua Hau-raki,
He Tupua Roto-rua,
He Tupua Kahu-ngunu,
He Tupua Wai-kato,
He Tupua Tara-naki,
Kaore e tama he iwi
I ngaro te Tupua.
“Purua i tore o Pihanga
Tuwhera te Whanga-nui-a-tara.”
“Te rongo te whauhia [houhia].”
“Kia mau ki te rourou iti a Haere.”
“Kaka-riki i tunua, Kaka-riki i otaina.”
E tama e, kei te huna koe i to Atua,
I a Tu-whakaparu-ate;
Te whakina ai, kia kite mata o tangata,
page break Kei hau kau o rongo Tupua,
ki taha patu o te rangi.
Aku hono nei ka riariaki,
Aku hono nei ka hapahapai,
Aku hono nei ka ranga taua,
He taua, kia Piki-haha,
E Hine-te-iwaiwa, ki te mangai o te whare
I a Tonga, ko Papa-tu-a-nuku
Ko te Tai-a-riki; ko Ue-koko
Te ara i a Hinga, ko te Tatau-o-te-po
Ko te hiwi ra o aku tupuna,
Nana i whakahua te makutu,
E toai nei i te ngutu tangata.
E hara koe i te uri o Korako,
E taroi ra i tawhiti ki a Hori,
ki te pu ra o te atua,
Ki te pakeha, he kaipuke;
Nana i whakahua te Pu ki uta nei,
Ki te tu a tangata ki a Mariaikena,
He taonga noa i te weruweru.
Pokaia ki te ringa,
Ka paraharaha te one i Kuku-riki
I te whainga i te matau hapuku,
Ki te kahu atua, kahu whero,
Ki te pu ra i a te Uira,
E kawea ana e te ngakau,
Ki te uri ra o Komako,
Ki te huanga kerekere ko Kai-hau,
I tuhia mai ki te niu maka rapa,
A te kanohi, ka whekite, ka whekaro.
O ringaringa e te Wehi ki te kai kapo
Mai te kutikuti, naihi kopikopi,
Ripa mai o te puke o Matakitaki
Ki Hau-raki ko te kai whakahoki,
O Puhanga-toroa ki te tonga;
Ka hoki te rongo toa o Kuku-tai,
Ka haere te uri o Kai-whiro-whenako,
Ki nga whenua, a hei hakatea noa ia ara,
Ma Nga-ti-te-ata, ki te menenga ope ki Puke-tutu,
Kia rongo mai e Nga-i-pukenga,
Ko Nga-ti-paoa he hikihiki hoenga taua ki Nga-puhi,
Ma Tangi-te-ruru, ma te Rau-roha,
Ka tukutuku ki te ia ki O-hi
Hei a Hongi-hika
Kia whakaponongatia mai he Tupua.