Other formats

    Adobe Portable Document Format file (digital text)   TEI XML file   ePub eBook file  

Connect

    mail icontwitter iconBlogspot iconrss icon

The Ancient History of the Maori, His Mythology and Traditions. Nga-Ti-Whatua [Vol. XIII]

He Wheua Whati

page (306)

He Wheua Whati

Ki te mea ka whati ranei; ka mangungu ranei te wheua tangata, ka maua te turoro ki te kainga, ara ki te tahi wahi i ko ke atu o te puninga e noho ai te iwi, a ka tahuna he umu tapu, ka karakiatia e page (B13)(3)te tohunga, e kore e hoatu he kohatu ki taua umu, a ka whatiia he koromiko, he whau, he karamu, ka maua ki te wai aua mea kia makuu ai, a ka tino kaa te ahi o te umu, ka hoatu aua mea i kawea ra ki te wai, ki runga ki te umu kia puta ai te mamaoa, a ka hipokia aua rau rakau nei ki te one one ano kotahi wahi e waiho kia puare hei komo-tangata mo te ringa ranei mo te wae rane i whati, a ka komotia taua wahi whati ki roto ki taua umu, a ka waiho taua wahi i whati ra te wheua i te umu a puta rawa te wera o te mamaoa ki te kiri katoa o taua wahi whati, he mea hoki kia ngawari ai te kikokiko o te wahi i whati ra te wheua, a ki te mea e kore e ngawari i te umu kotahi ka mahia ki nga umu tini a ngawari noa te kiko o te wahi whati.

I te wahi ki ano i mahia te mate ki te umu ka mahia te wheua i whati ra kia tika, ara kia noho tika nga wahi katoa o te wheua whati ki ona wahi e noho tika ai, ano ko tana tika ano i te wa e ora ana te wheua, a ka takoto tika aua wahi i whati ra ka hoatu ai ki te umu mahi ai, a ka pai te kikokiko i te mamaoa o te umu ka tangohia mai, a ka hoatu he kaupapa rakau ki te wahi i whati ra, kotahi kaupapa ki raro o te whati, kotahi ki runga, ka herea ai aua kaupapa ki te korari kia mau tika ai ki nga wahi tika mo te whati, a ka titiro katoa nga tohunga ki te tika o te mahi i aua mea a ka mahu te mate ka kai hakaripage (B13)(4)te iwi katoa i te marae.

A ka pai te turoro, he kakahu te utu ki te tohunga nana i mahi.