Mei 4Th, 1893. 10 A.M.

Ka tuhera te whare o Runga ka panuitia e te Pika te Ripoata o te whare o Raro penei te korero me tuku atu e te whare o Runga etahi tangata o te whare o Runga hei minita ko aua tangata hei hoa mo te kawanatanga ka mutu te panui a te Pika katu mai a Tamihana Te Hoia e Tautoko ana au i te korero otenei Ripoata ko aua tangata me haere

page 20

Matini Ruta Tamai Whakakitea Tautoko ana Hemi Takiwa Tautoko Tairiri Papaka Tautoko Papanui Tamahiki, E patai ana au e te Tiamana me whakamarama mai e te Pika enei tangata mo tehea mahi i tonoa mai ai enei tangata.

H Tupaea e tautoko au ite patai ate Papanui Tamahiki Te Oti Pita Mutu. E penei ana taku whakarongo mote korero ate Pika ko enei tangata hei mema mote whare o Raro ara hei hoa mote kawanatanga.

Pika: Hone Mohi Tawhai e whakaae ana au ki te patai a Te Mema o Taupo ko tenei korero mo te Ripoata ate kawanatanga i tono mai nei kia tukua atu enei tangata hei mema mo te kawanatanga ote whare o raro.

Nireaha Tamaki Taku hiahia ko enei tangata me tuku atu kia haere hei mema.

M. K. Te Rangihiwinui e Te Tiamana taku hiahia kia unuhia atu te motini a te kawanatanga ki waho.

Papanui Tamahiki e tautoko ana ahau

Tamihana Te Haia e tautoko ana ahau.

Nireaha Tamaki me tuku atu enei tangata kia haere ki te kawanatanga Teoti Pita Mutu e tautoko ana au i tenei kupu me haere enei tangata.

Paratene Tamanuiarangi e tautokoana au me unu te motini ate kawanatanga ki waho.

Pika: Me Pooti tenei motini.

Ko te Pire ate kawanatanga hei No.

Kote unu a M. K. Te Rangihiwinui hei ae. Pooti ana 18 ite No.

18 ano ite, Ae, tu ana Te Pika ko tona pooti me tuki kite No.

Iti ana tenei take.

Na te Tiamana ote Runanga Ariki.

I tuku mai ki te. Hekeretari kia tukua atu.

Ki te Huia mau e titiro iho ka tika me mahi ki te he me whakahoki ma kei mau mau mahi noa te Huia.