Tenei Pukapuka i tuhituhia i tenei ra i te 13 o nga ra o Tihema i te tau o to tatou 1859. 13 December.Mangonui District. Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Rararawa, no ratou nga ingoa e mau i raro nei a hei whakaatu Ahipara. tenei Pukapuka mo matou mo o matou whanaunga me o matou uri mo te tuhitauhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingaraui ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna monie Whitu Rau kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei Te Tuauru ko Ahipara te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki tau wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga Boundaries. rohe enei o taua whenua ka timata i Waimoho i te taha ki te Tuauru i te kaha ki te tonga o te whenua i tukua ki te KawanatangaTe Karamu Mangakowhara, Te Tangonge, Te Manoao, Para Para Waiomapauroa, Pukekotihi Takapuahia, marere noa ki te moananui; otira kei te Mapi o te Ruritanga, te tino tikanga o nga Rohe, me nga wahi i kapea mo nga maori, tutaki noa ki te timatanga o te kaha.

a, kotahi Rau pauna moni kua riro i a maua i a Te Puhipi i a Te Waka mo to maua Already paid £100. £800 Total. mana i runga i taua whenua, huihuia katoatia E Waru Rau o nga pauna.