Otuahu Block, Pukekohe Reserve, Lower Waikato District.
1858. 24 July.Lower Waikato District.Tenei Pukapuka i tuhituhia i tenei rua tekau ma wha o nga ra
o Hurai i te tau o to tatou Ariki 1858 he Pukapuka tino hoko tino hoatu' tino
tuku whakaoti atu na matou
Otuahu. na nga Rangatira me nga Tangata o Te Akitai no ratou nga ingoa e mau i
raro nei a hei whakaatu tenei Pukapuka mo matou mo o matou whanaunga me o matou
uri mo te tuhituhinga o o matou ingoa ki tenei pukapuka i raro i te ra e whiti
nei kua whakarerea rawatia kua tino tukuna rawatia atu ki a Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni kotahi rau takitahi kua
utua mai ki a matou e Te Rokena (
John Boundaries. Rogan) mo te Kuini (a e whakaaetia nei e matou te rironga mai o aua
moni) ko taua wahi whenua katoa kei Pukekohe ko Otuahu te ingoa o taua wahi
whenua ko nga rohe kei raro i te Pukapuka nei e mau ana te korero whakahaere ko
te mapi hoki o taua whenua kua apititia ki tenei. Me ona rakau me ona kowhatu me
ona wai me ona awa nui me ona roto me ona awa ririki me nga mea katoa o taua
whenua o runga ranei o raro ranei i te mata o taua whenua me o matou tikanga me
o matou take me o matou paanga katoatanga ki taua wahi; kia mau tonu ki a Kuini
Wikitoria ki ona uri ki ana ranei e whakarite ai hei tino mau tonu ake tonu atu.
A hei tohu mo to matou whakaaetanga ki nga tikanga katoa o tenei Pukapuka kua
tuhituhia nei o matou ingoa me o matau tohu A hei tohu hoki mo te whakaaetanga o
te Kuini o Ingarani mo tana wahi ki nga tikanga katoa o tenei Pukapuka kua tuhia
nei te ingoa o Te Rokena (
John
Rogan) Kaiwhakarite Whenua ko nga rohe enei o taua whenua ki timata i te
taha ki te hauraro i Te Tau ka ahu whaka te marangai ki Mahauroa ka whati ka ahu
whaka te marangai tuatonga tika tonu ki Pukewhau Otuahu a Kokako ka whati ka ahu
whaka te tonga ki Paengahaunui kei konei ka hoki whaka te hauraro 29451
links
(bearing by compass 335° 45′) tika tonu ki te Tau ki te wahi i timata ai te
rohe.
John
Rogan,District Commr.
Ihaka Takaanini.
Na Mohi Ahiatengu.
Ko nga tangata i kite te hoatutanga o nga moni me te tuhinga o nga
ingoa—
John White, Interpreter, Land Pur. Dept.
William B. Baker, Chief
Clerk, Nat. Dept.
Receipt for £100. Kua riro mai ki a matou i tenei ra i te rua tekau ma wha o nga ra o Hurai
i te tau o to Tatau Ariki kotahi mano e waru rau e rima tekau ma waru (1858) nga
Pauna moni kotahi rau (£100 . 0 . 0) ko te utu whakaotinga tenei kua whakahuatia
ki te Pukapuka tuku e mau i runga ake nei kia utua mai ki a matou e te Rokena
(
John Rogan) mo te Kuini.
Ihaka Takaanini.
Na Mohi
Ahiatengu.
Ko nga tangata i kite te hoatutanga o nga moni me te tuhinga o nga
ingoa—
John White, Interpreter, Land Pur. Dept.
William B. Baker, Chief
Clerk, Nat. Dept.